Legazpi City- Opisyal nang pigdisignar bilang kaenot-enoting Provincial Tourism Officer si Gerardo Presado makalihis an pagseserbi sa MPTCAO nin haros pirang taon.
Segun kay Gerardo Presado, an newly Appointed Tourism Officer, Masbate sa intrevista kan Bombo Radyo Legazpi, labi an pasasalamat kaini huli sa nagkaigwa na nin opisyal na tourism officer sa Masbate na matutok sa sektor para sa lalong pag-uswag kan turismo sa probinsya.
Si Presado an dating hali sa provincial acessors office, bilang real-state broker. Sa ibong kaini taos-puso man an inakseptar kan opisyal an pakakadisigar bilang Provincial Tourism officer. Dugang pa man na si Presado an dati na man na nagkakapot kan Masbate tourism office antes pa man an saiyang pagkakadesignar sa posisyon.
Aminado man an opisyal na nadipisilan ini sa pagkapot kan opisina huli na man sa nagkapirang mga sitwasyon lalo na sa pagmanihar man kan saindang personahes asin sa mismong opisina. Alagad huli suboot sa pagpadangat sa trabaho asin committment sa mga katabang sa sektor kan tourismo ay naging dalan ini para sa pagmamawot asin pagpapakarahay sa sektor kan turismo para sa probinsya asin sa mga namamanwaan.
Mientras tanto sa sitwasyon kan turismo sa probinsya naging magayon man an record kan Masbate asin naidiklarar bilang ” The Capital Art of Bicol Region”. Mantang sa presente an padagos pa man an pagsasagibo nin mga site inspection kan ahensya para sa mas dakol pa na tourist destination para sa mga turista.
Naglalaom man an opisyal na sa mga masunod taon an magkaigwa na man nin mga designated tourism officer an lambang mga munisipalidad.
