LEGAZPI CITY-Padagos an pigtataong suporta kan Filipino community sa Bangkok Thailand para sa mga delegado hale sa Pilipinas sa SEA Games 2025.
Segun kay Bombo International Correspondent in Thailand Toto Cadapan, sa intrevista kan Bombo Radyo Legazpi na padagos na pighihiling kan mga Pilipino sa Thailand an mga koponon na hale sa Pilipinas.
Naoogma man an mga Pilipino huli sa kanya-kanyang pagsungkit nin gintong medalya kan mga koponan sa enot na pagkakataon.
Sa ngonian abanse na an football womem’s team kan Pilipinas ngani makalaog sa finals.
Dagdag pa kan opisyal na mantang may mga ibang sports man suboot an dai nagkakaigwa nin tsansa, ‘keep faith’ man liwat an mga Filipino na kadakol pang makukuwang gold an Pilipinas.
Kadakol man suboot an naghihiling sa mga venue asin personal na nagsusuporta sa kada team kun sain dakulang tabang ini para sa kumpiyansa kan mga delegado hale sa Pilipinas.
Mientrastanto, huli sa nangyayaring gera sa Thailand, doble ingat man suboot an seguridad para sa pagpapadagos kan SEA Games 2025.
