LEGAZPI CITY-Pig-welcome kan mga Overseas Filipino Workers asin community leaders an pagabot ni President Ferdinand Marcos Jr. sa Abu Dhabi sa United Arab Emirates.
Ini makalihis an isinagibong one-day working visit kan Presidente sa nasabing nacion.
Segun kay Bombo International Correspondent in United Arab Emirates Nerissa Aalishan, sa intrevista kan Bombo Radyo Legazpi na nagin proud an mga Pilipino durante kan pagbisita kan Presidente.
Pagladawan niya na kan magabot an Presidente, may mga nakabugtak na Philippine flag sa mga tinampo kan Abu Dhabi.
Nagkaolay man suboot si President Marcos asin an Presidente kan UAE na si President Sheikh Mohamed bin Zayed Al Nahyan.
Namatean man suboot ninda an suporta kan Presidente sa mga OFWs magin sa proyekto asin partnership kan Pilipinas huli sa mauswag asin madisiplina an United Arab Emirates.
Sinabi man niya na mas magigin magayon epekto kaini sa nacion orog na sa ekonomiya.
Piglalaoman man niya na mas matawanan nin focus an mga paratukdo asin an edukasyon sa Pilipinas.
Mientrastanto, kadakol man an nagtutubod sa kakayahan kan Presidente sa UAE ngani makauli na an mga paratukdo sa Pilipinas
