LEGAZPI CITY-Matrayompong naisagibo an Fiesta Serbisyo Caravan Year II sa Kalayaan Park Barangay 38 Gogon, Legazpi City, ngani maitao an mga essential government services sa mga residente sa paagi nin pagtitipon kanmga manlain-lain na ahensiya sa sarong lokasyon.
Segun kay Kagawad Richilda ‘Chie’ Atun kan Barangay Gogon, Legazpi sa intrevista kan Bombo Radyo Legazpi na darahon an mga serbisyo kan gobierno sa lebel kan mga barangay.
Presente sa nasambitang aktibidad an mga ahensiya kan Social Security System (SSS), Philippine Statistics Authority (PSA), Philhealth, Albay Provincial Agricultural Office (APAO), asin an Agribusiness and Marketing Assistance Division (AMAD) kung sain nagpaabot nin mga serbisyo produkto na abot-kaya kan mga residente.
Parte man kan nasambitang aktibidad an pagkakaigwa nin 50 na sako nin bagas hale sa ahensiya na nasa P20 sana, alagad naubos tulos pagbukas kaini sa mga residente.
Nakipagkoordinar an Barangay Gogon sa mga ahenisya ngani eksklusibo na maihatod an aktibidad sa saindang lugar asin maimbitaran man ninda an mga kataid na barangay siring kan barangay Cruzada, Bogtong, Bitano asin iba pa.
Tinawaan man nin serbisyo kan asin philhealth Philippine Statistics Authority (PSA) asin Philhealth an mga residenteng mawot na magparehistro ka saindang mga ID, alagad nagtao man nin job fair para sa mga mawot na mag-apply nin trabaho.
Nasa 25 na mga government agencies kairiba an mga sa stakeholders an nagpartisipar man sa aktibidad.
Pangapudan man kan Kagawad na yearly na maimplementar an aktibidad kada fiesta sa nasambitang lugar. Mientrastanto nagpagirumdom man ini na igwa pa nin mg anataatdang aktibidad siring kan foam party, musica de fantes asin baylehan, alagad an selebrasyon kan kapistahan nagpapadagos para sa gabos na livelihood asin dae man ini nin bayad.
