Tinugotan na kan korte kan Timor-Leste an request kan Pilipinas na ma-extradite o maibalik sa Pilipinas si dating Negros Oriental Representative Arnolfo “Arnie” Teves.
Segun sa Department of Justice, posibleng maibalik na sa nasyun si Teves sa mga masunod na semana.
Huli digdi, maihahampang na an dating kongresista sa mga kasong isinangat kontra saiya partikular na sa pagkakaimbwelto kaini sa panggagadan sa Negros Oriental.
Si Teves an pigtuturong mastermind sa pagpapagadan kan Negros Oriental Gov. Roel Degamo asin siyam na iba pa kan taong 2023.
Magigirumduman na nagkapirang bulan man na nagtago asin nagpalipat-lipat sa manlain-lain na nasyun si Teves hasta sa maarestar ini kan mga otoridad sa Timor-Leste.
