LEGAZPI CITY- Dae na nakapalag an number 3 most wanted personality kan Masbate City makalihis ining maarestar kan kapulisan sa Celestina Subdivision Brgy. Nursery sa parehong syudad.
Estudyante pa an akusadong si Al Udaundo, 23-anyos na residente kan nasambitan na lugar.
Dinakop ini kan Masbate City Police Station sa paagi kan mandamiento de aresto na ipinaluwas ni Hon. Judge Teofilo Tambago kan RTC Branch 46, Masbate City.
Kasong pagbalgar sa RA 9165 o an Comprehensive Dangerous Drugs Act of 2002 an kakahampangon na kaso ni Udaundo asin kasong Unlawful Possession of Firearms and Ammunition na dae nin nakakabit na pyansa.
Nasa kustodiya na ini ngunyan kan mga otoridad para sa magkakanigong disposisyon.
