LEGAZPI CITY—Liwat na nagbukas na an klase sa sarong eskwelahan sa Bangkok, Thailand makalihis an nangyaring pambabadil kan sarong estudyante kan nakalihis na bulan nin Agosto.
Magigiromdomang pito an binawian nin buhay kabale an suspek na estudyante sa Debsirin Nonthaburi School sa Bang Kruai district, Nonthaburi province kan nasabing nacion.
Segun ki Bombo International News Correspondent Thailand Toto Cadapan Bering, sa intrevista kan Bombo Radyo Legazpi, pinaghandaan kan eskwelahan an pagbabalik klase sa paagi kan pagkundusir nin shooter drills, nagbugtak nin kapulisan nganing magbanatay sa eskwelahan, magin an pagbugtak nin mga CCTV sa nasabing lugar.
Afuera digdi mahigot man an gobierno sa pagtao nin linsensya sa mga dati nang may kapot nin badil sa Thailand.
Mientrastranto, mensahe man ni Cadapan sa mga magurang na importante an pangangataman sa saindang mga aki huli sa sinda an mamana sa saindang futuro.
