Legazpi City– Nagpatanid an pirang Environmental Groups mapadapit sa mga naggagamit kan mga pinagbabawal na mga beauty products na nagkakalat online.
Segun kay BAN Toxics Campaigner Thony Dizon sa intrevista kan Bombo Radyo Legazpi na delikado an paggamit kan mga pinagbabawal na beauty products nin huli ta alangkawon suboot an mercury conteny kan mga ini.p
Pigtaram man kaini na dae ninda aram kun sain ini hale o sain ini nagpoon na magpabakal kan mga naunambitang produkto nin huli ta dae man ini nag-agi sa tamang proseso.
Pigsabi man kaini na naglilibot libot an saindang mga sa mga merkado nganing masawata an pagkalat kan mga nakakalasong produkto alagad talamak an bakalan kaini sa mga online shopping platforms.
Segun pa kay Dizon na igwa man gilayun na paagi an mga paratinda nganing makakuwa kan mga pinagbabawal na produkto.
Pig-enganyar na punduhon an paggamit kan naunambitang produkto asin makipagtabangan sainda nganing masawata an pagkalat kaini sa mga merkado o dawa sa online.
Mapapagalan sinda na masawata an paglakop kan mga pinagbabawal na produkto kun padagos an paggamit kan mga ini asin padagos an saindang monitoring nin huli ta 50 klase nin cosmetic products an saindang pinagbabawal asin dakulang katabangan man suboot sa pagsawata an pag comply kan mga online seller.
Pangapudan kaini na dae na paghalaton na may mapinsala kan mga produktong ini nin huli ta an mercury sarong nakakalasong kemikal na pwedeng magin kawsa kan organ failure asin pagkagadan mantang pig-enganyar man kaini an publiko na punduhon an paggamit kan naunambitang produkto asi makipagtabangan sainda nganing masawata an pagkalat kan mga pinagbabawal na beauty products.
