LEGAPZI CITY-Nagtaong inspirasyon an 22-anyos na si Rolan Popatco Jr., makalihis na makapasar sa March 2026 Medical Technologist Licensure Examination asin nagin pinakaenot na Aeta na lisensyado bilang Medical Technologist sa Pampanga.
Kinumpirmar ini kan Provincial Social Welfare and Development Office, na nagheras kan saiyang kakaibang naginibohan, na bako lang para sa saiyang sadiri kundi para man sa bilog na komunidad kan Aeta.
Si Rolan, nagdakula sa kabuludan asin nagsumikap na mag-adal sa ciudad.
Sa tabang kan manlaen-laen na scholarship hale sa gobierno, natapos niya an saiyang Bachelor of Science in Medical Technology.
Apwera kaini, nagserbi man siyang SK chairman mantang nagpapadagos kan saiyang pag-adal.
Inako ni Rolan na nag-agi siya nin mga pagsubok asin haros sumuko na, alagad an saiyang komunidad an nag-inspirar saiya na magpadagos.
An saiyang pangaturugan iyo na magin sarong doktor sarong aldaw, ngani magtao nin serbisyong medikal sa saiyang mga kapwa Aeta.
Sa ngonian naghahanap siya nin scholarship ngani maipadagos an saiyang pag-adal sa medisina.
Segun ki Rolan, an saiyang kapangganahan sarong dedikasyon bako sana sa saiyang pamilya kundi magin sa saiyang komunidad, na mawot niyang matabangan sa maabot na panahon.
