LEGAZPI CITY- Nilinaw ni Cong. Alfredo Garbin Jr. na nagtitinir na buhay an pigbubusol na Economic Charter Change sa Kongreso maski pa dae ini nakasabay sa mga pighayag ni Presidente Rodrigo Duterte sa saiyang huring State of the Nation Adress (SONA).
Sa intrevista kan Bombo Radyo Legazpi kay Garbin na Chairman kan House Committee on Constitutional Ammendments, nakapasar na sa Kamara an Economic Cha-cha bill na naipasa naman sa Senado nanganing isalang sa mga deliberasyon.
Pinaglalaoman kan kongresista na maipapasar an bill antes pa man na matapos an termino ni Presidente Rodrigo Duterte nganing maisabay na an plebesito kaini sa isasagibong national eleksyon sa masunod na taon.
Sa isasagibong plebesito, tatawanan nin poder an mga Filipino na makapili sa paagi nin eleksyon kung ipapaotob an Economic Cha-Cha o dati.
Tinawang duon man ni Garbin na dakula an maitatabang kan bill nganing mapakusog pa an ekonomiya kan nasyun na labi ng naapektaran kan pandemya ngunyan.
Sa nasabing resolusyon mas papaluwagon na asin hahalion na an nagkapirang economic restrictions sa konstitusyon nganing makalaog an mas dakol na mga investors para sa mas dakol na negosyo asin trabaho sa Pilipinas.
