Nagpaluwas nin update an PHIVOLCS katakod kan nagpapadagos na earthquake activity sa Pangasinan na nagpuon kan Mayo 27, 2026.
Segun sa datos hasta Hulyo 3, 2026, uminabot na sa 385 an nairehistrong linog, kun sain 203 an na-plot asin duwa an namatean kan mga residente.
Igwa ining magnitude range na 1.8 hanggang 5.1 mantang an rarom an nasa pagultangan kan 2 hanggang 131 kilometro.
Padagos man na pigmo-monitor kan ahensya an sitwasyon ngani na masierto an seguridad kan publiko asin maipaaram an pagbabago sa seismic activity.
Pigpapayuhan man an mga residente na magtenir na alerto asin magsunod sa mga abiso kan lokal na gobierno asin mga otoridad.
