LEGAZPI CITY — Dakop an duwang katawo sa isinagibong drug buy-bust operation kan Polangui Municipal Police Station.
Haloy na suboot na patagong nagpapabakal nin iligal na droga sinda Sheryl Intia, residente kan Brgy. Tres Reyes, Bato asin si Joseph Lomeda, taga-Brgy. Topaz, Nabua sa Camarines Sur.
Nadakop an duwang suspetsado sa lag kan sarong motel sa Diversion Road, Barangay Ubaliw sa banwaan kan Polangui kun saen nakumpiska digdi an mga sachet kan pigtutubudang shabu asin buy bust money na P500.
Katabang an personahes kan Philippine Drug Enforcement Agency (PDEA) Bicol, naarestar an duwa asin sa ngunyan, nasa irarom na kan kustodiya kan nasabing hepatura para sa magkakanigong disposisyon.
