Duwa an gadan asin duwa pa an irido sa banggaan kan sarong pick-up truck asin sarong lunadan sa Brgy. Rumbang, Pototan, Iloilo.
Sa intrevista kan Bombo Radyo ki Police Master Sergeant Garry Peronilla, desk officer kan Pototan Municipal Police Station, kinumpirmar na duwang tawo an nagadan asin duwa pa an irido sa nangyaring vehicular accident sa nasambitang lugar.
Saro sa mga nagadan iyo an sarong pasyente na sinaksak sa Brgy Abangay, Pototan, Iloilo na dadarahon kuta sa ospital, kaiba an saiyang duwang tugang.
Nagadan man an saro pang pasahero na nagtatabang sa pasyenteng nasaksak mantang irido man an driver kan lunadan na dinara sa ospital sa syudad kan Iloilo.
Nagsapo man nin lugad sa saiyang lawas an driver kan pick-up truck alagad luwas na sa peligro.
Sa ngunian, nagpapadagos pa an imbestigasyon kan mga pulis sa nangyaring vehicular accident asin pananaksak.
