Kinumpirmar kan Department of Finance na nailipat na sa national treasury an ika-duwang tranche kan excess funds kan Philippine Health Insurance Corporation na nagkakantidad nin P10 billion.
An nasabing P10 billion an parte kan P89.9 billion na kabilugan na excess funds kan ahensya na nagakatalaan na ilipat sa national treasury.
An inisyal na P20 billion an enot man na nai-remit na kan nakalihis na Mayo.
Marurumduman na nagkapirang grupo nin mga health workers asin dating mga Health secretaries an nangapudan ni Finance Secretary Ralph Recto na kanselaron an paglilipat kan ika-duwang tranche kan excess funds kan Philippine Health Insurance Corporation sa national treasury.
Tinawan duon kan nasabing mga grupo na kinakaipuhan na maprotehiran an pondo kan ahensya huli sa naglalangkaw na gastos sa healthcare sa nacion.
Pigsugo man kan Korte Suprema an nagkapirang senior government officials na magsumiter kan saindang komento sa petisyon na nagko kontra sa paglilipat kan excess funds kan Philhealth.
