LEGAZPI CITY — Nag-abot na an 160,00 na sako nin bagas sa ciudad kan Legazpi na dugang sa 140,00 sako na naenot nang in-import hale sa Vietnam.
Segun ki Beth Jacob, tagapagtaram kan National Food Authority (NFA)-Bicol, rinibong bagas an gagamiton kan rehiyon para sa mga maabot na bulan sagkod sa Disyembre.
Inalokar an mga bagas na ini sa mga provincia kan Bicol kun sain 72,000 kaini an para sa Albay; 40,000 para sa Naga; 90,000 sa Camarines Sur; 24,000 sa Catanduanes, 24,000 sa Masbate asin 50,000 sa Sorsogon.
Dugang pa ni Jacob, pighihiling kan ahensya an pag-aarkila nin panibagong warehouse en kaso dae kayanon an kadakol na mga produktong ini.
Piglalaoman pa na an panibagong batch nin mga bagas an maabot sa bulan nin Enero para naman sa gastos sa taong 2018.
