Tugot an Department of Trade and Industry na magdeklara nin food security emergency for rice an Department of Agriculture para sa mas epektibong pagbaba asin mas monitored na pagbabago sa presyo nin mga bagas sa merkado.
Pig-eksplikar ni DTI Sec. Ma. Cristina Roque na dakula an maitatabang kan pagdedeklara nin food emergency sa mga presyo kan bagas.
Kaipuhan suboot na mamonitor nin maray asin maibaba na an presyo kan mga naunambitang produkto para sa human consumption.
Sa irarom man kaini maaaraman kun nagsusunod sa tamang presyo an mga nagpapabakal nin bagas na direktiba kan DA kun saen dapat maibaba an presyo kan bagas para sa mga nagkokonsumo kaini.
Mientrastanto, nin huli ta kaiba an bagas sa mga padagos na pigmomonitor na presyo kan DA, pigsyerto ni Roque na an sisay mang dae masunod sa dapat na presyo an makakaresibi nin magkakanigong padusa.
