Nagpatanid an Department of Trade and Industry (DTI) sa mga retailer laban sa paghoard nin mga pangenot na babarakalon asin pananamantala sa presyo.
Segun sa DTI, an mga madadakop na violators an pwedesir mahampang sa padusang pagkakakulong sagkod 15 taon asin multang maabot sa P2 milyon.
An naunambitang patanid an kasunod kan pagtaas kan global uncertainty huli sa krisis sa Gitnang Silangan, na nagkakawsa nin kahandalan sa posibleng kakulangan sa suplay asin pagtaas kan presyo kan mga pangenot na pangangaipuhanan.
Ipigdoon kan ahensya na dae ninda palalagpason an mga ilegal na gawi na ini asin mahigpit na ipapa-otob an Price Act asin iba pang mga katakod na ley.
Pigsyerto man ni Trade Secretary Cristina Roque na supisyente an suplay kan mga pangenot na babarakalon sa nacion sa laog nin duwang bulan.
 has warned retailers against hoarding essential commodities and price gouging.){kind=link}