LEGAZPI CITY—Liwat na nagpatanid an Department of Trade and Industry Bicol sa mga paratienda asin konsomedores mapadapit sa mga may depekto asin bako aprubado an seguridad na Christmas products na pwedesir gamiton ngunyan na holiday season.
Segun ki DTI Bicol Information Officer III Bhem Romano-Berango, dapat magin maingat sa pagpili nin Christmas lights asin siertohon na may mga nakabugtak digding lehitimong marka asin basahon an mga label nganing maasigurar na ligtas ining gamiton.
Dapat man na pagreparuhon an mga home appliances urog na pag naggagamit nin kuryente asin ipag-check an kumpletong detalyes kaini nganing aram kun sain ini ginibo en kaso man may mangyaring dae piglalaoman durante kan paggamit.
En kaso man suboot na may magbayolar an iisyuhan nin notice of violations asin ipapaliwanag sa ahensya, alagad kun dae ini magibo, an saka sinda ma-isyu nin formal charge asin posibleng kumpiskaron an saindang panindang produkto.
Dugang kan opisyal na wara pa man sindang nareresibeng reports mapadapit sa na-isyuhan nin notice of violations sa mga establishamiento sa rehiyon.
Nagpagiromdom man si Berango sa mga paratienda asin establishimiento na dae manamantala sa presyo kan mga Christmas products, siring man an pagiromdom sa mga konsomedores na magin mapagmatyat urog na dakol an scammers an nagruluwasan ngonian na panahon.
