LEGAZPI CITY- Nagpaabot na nin tabang an Department of Social Welfare and Development Bicol sa mga biktima nin kasulo sa Barangay Guinobat, Tabaco City, Albay.
Nagtao an ahensya nin tabang pinansyal, family food packs asin iba pa.
Marurumduman na sa nasabing kasulo, duwa an binawian nin buhay mantang apat na iba pa an idinalagan sa ospital na nagpaparahay na sa ngunyan.
Segun ki Department of Social Welfare and Development Office Bicol Director Norman Laurio sa intrevista kan Bombo Radyo Legazpi na nagtao man an ahensya nin burial assistance ngani na makatabang sa pagpapalubong kan duwang casualties.
Napaabutan man an mga nabayaan na pamilya nin tabang sa irarom kan programang Assistance to Individuals in Crisis Situation.
Mientras tanto, inasegurar man kan opisyal na padagos na ipapamati kan ahensya an pagtatao nin serbisyo sa publiko.
