LEGAZPI CITY – Nakapreparar nang magbarewas nin tabang asistensya an Department of Social Welfare and Development (DSWD) Bicol sa mga Albayanong maapektaran enkaso maglala an sitwasyon kan Bulkang Mayon.
Segun ki DSWD Bicol Director Norman Laurio sa intrevista kan Bombo Radyo Legazpi na nakamonitor sinda sa presenteng sitwasyon urog na an mga pamilyang naka-istar sa laog kan 6KM permanent danger zone.
Nakapagsagibo na man suboot sinda nin serye nin pag-oolay sa mga imbweltong Municipal asin City Social Welfare and Development Office nganing maipreparar na an gabos na kaipuhan kan mga mapasiring sa mga evacuation centers.
Pagdoon niya man na naka-standby na sa saindang ofisina an maabot sa labi P137 Million na kantidad kan food and non-food items siring man an maabot sa 111,000 nin family foodpacks mantang naghagad na man sinda nin kadugangang 100 na family foodpacks sa saindang central office.
Mawot man kan opisyal na maipa-otob an saindang naisakatupadan kan magtuga man an Bulkang Mayon kan 2023 kun sain wara sindang napabaretang nagutom asin natawan gabos na mga nagtetenir sa evacuation center nin tabang asistensya.
Pagirumdom ni Laurio sa mga residenteng naka-istar sa 6KM permanent danger zone kan Bulkang Mayon na magsunod sa abiso kan mga otoridad urog na kun ipinaotob na an evacuation efforts enkaso maglala an sitwasyon.
 Bicol is ready to distribute assistance to the affected Albayanos in case the situation of Volcano Mayon worsens.){kind=link}