(Update) LEGAZPI CITY — Nagtutubod an Philipine National Police na igwang bagong point of entry sa nacion an mga drug syndicates kasunod kan pagkakarekober kan pitong bloke nin cocaine sa kadagatang sakop kan Bagamanoc, Catanduanes.
Sa intrevista kan Bombo Radyo Legazpi ki Pol. S/Insp. Joseph Valle, hepe kan Bagamanoc PNP, nadidifilan na kaya suboot an mga drug personalities hali sa ibang nacion na makapagpalaog nin iligal na droga huli sa mahigot na seguridad sa mga pantalan asin erpuerto.
Katakod kaini, inasegurar kan opisyal na mahigot an pigigibong pagbabantay kan pulisya tangarig maarestar an mga drug personalities na padagos na nag-ooperate sa nascion.
Mientras tanto, sinabi pa ni Valle na makakaresibe nin reward money asin bagas an tulong parasira na nakarekober kan mga nasabing bloke nin cocaine.
Enot naman na kinumpirmar kan Philippine Drug Enforcement Agency (PDEA) na positibo sa cocaine an mga nasabing droga na pigkakarkulong nagkakantidad nin nasa labi sa P37 milyon.
