Warang marikas na solusyon sa matinding pagbaha na naeeksperyensyahan sa pirang parte kan Luzon huli sa padagos na pag-uran dara kan Habagat.
Ini an sinabi ni Department of Public Works and Highways (DPWH) Secretary Vince Dizon, kasunod kan mahewasang pagbaha sa pirang lugar sa Metro Manila asn iba pang parte kan Luzon.
Segun ki Dizon, dae tulos maaayos ang problema sa laog sana nin sarong taon. Kaipuhan suboot nin panghaluyan na solusyon asin maayos na pagpapaotob nin mga proyekto sa bilog na nacion.
Padagos man an imbestigasyon kan Office of the Ombudsman sa mga kuwestiyonableng flood control projects.
Sinabi kan Kalihim na mantang pighagad an resulta kan imbestigasyon, nakasentro ang DPWH sa pag-aayos kan mga raot, dae natapos, asin inabandunang proyekto na kuta na nakakatabang sa pagkontrol kan baha.
