Ipigpreparar na kan Department of Transportation (DOTr) an P2.5 billion pondo para sa fuel subsidy sa mga driver asin operator kan pampasadang behikulo kaiba an mga unconsolidated Public Utility Vehicles (PUVs).
Susog sa ahensya katabang ninda an Land Transportation Franchising and Regulatory Board, Department of the Interior and Local Government, Department of Information and Communications Technology, asin Landbank nganing siertohon asin toltol an pagbarewas kan ayuda.
Bago mapaotob, kaipuhan munang makakua nin sertipikasyon gikan sa Department of Energy an ahensya na an presyo kan Dubai crude oil an lagpasa sa $80 an kada barells nin krudo sa laog nin sarong bulan—bagay na dae pa napapaotb, huli nasa $75.16 pa sana ini sa ngunyan.
Mientrastanto, nangapudan man si Senador Raffy Tulfo sa Bureau of Fisheries and Aquatic Resources na dugangan man an subsidiya sa mga parasisirang naggagamit nin motorized boats.
Pigkarkulong nasa 200,000 fisherfolk an makikinabang sa programang ini.