LEGAZPI CITY—Nangapudan an sarong transport group sa Sorsogon na dae na ipaabot sa Abril 6 an pagbarewas kan fuel subsidy kasunod kan nagpapadagos na paghalangkaw kan presyo kan produktong petrolyo.
Segun ki Sorsogon Integrated Transport Federation (SORINTRAFED) President Ramon Dealca, sa intrevista kan Bombo Radyo Legazpi, kahaputan kan saindang mga driver kun nata papaabuton pa ini nin Abril urog na ngunyan na aldaw an may panibago liwat na paghalangkaw sa presyo nin gasolina.
Pagdoon niya na kun magpapadagos pa an pagsirit sa presyo kan petrolyo nin pirang semana an nata kaipuhan pang paabuton sa nasabing petsa kun an ibabarewas sainda an nasa P5,000 sana.
Pighayag man ni Dealca na dapat iderekta na kan Department of Social Welfare and Development an saindang ayuda para sa mga driver asin dae na ini ipag-agi sa mga lokal na gobierno nganing malikayan an bako patas na pagdistribuir kaini.
Mientrastanto, tinawan-doon man kan opisyal na mapadagos an saindang grupo sa pamamasada sagkod sa saindang makakaya, alagad, kun dae na an saindang pighahagad sa gobierno na matabangan an transport group sa paagi kan pagtaong ayuda asin suporta huli sa kadipisilang pigsasapar kan mga driver.
