Nakipag-olay si Department of Transportation (DOTr) Secretary Vince Dizon asin pira pang opisyal hale sa ahensya sa mga lider asin representantes kan transport groups ngonian na aldaw, Marso 21.
Obheto kan pag-oolay na tukaron an mga concerns asin isyu na sumesentro sa Public Transportation Modernization Program (PTMP) na siyang nagpapadagos sa presente.
Naenot na digdi an magsasagibo nin mahiwasang transport strike an grupo kan Manibela nganing ipangapodan an saindang mga agrangay mapadapit sa presenteng kamugtakan kan nasambitang programa.
Segun sa kalihim, karapatan kan mga grupong ini arug kan Manibela na ipadangog sa gobyerno an saindang mga agrangay mapadapit digdi.
Sa ibong na lado, imbes na magsagibo pa nin strike an sana mapag-olayan muna suboot nin maray asin tutukuan an mga isyu asin agrangay kan mga transport groups na ini nganing masyerto na dae na maapektaran pa an mga commuters.
Pwedesir kuta na mas tawan prayoridad an maginhawa asin maray na commuting systme mantang pig-aasigurar man kan saindang ahensya an welfare asin karapatan kan mga drivers asin operators.
Mientrastanto, pagsyerto man kan DOTr sa publiko, pigbabantayang maray asin naghahanda na nin mga contingencies an saindang ahensya para sa mga maapektaran kan strike ngonian na aldaw.
 Secretary Vince Dizon and several other officials from the agency met with leaders and representatives of transport groups today, March 21.){kind=link}