Legazpi City- Nailunsar na sa probinsya kan Catanduanes, Sorsogon, Cam Norte asin Cam Sur an P20 kada kilo na bagas sa isinagibong launching kan “Benteng Bigas, Meron Na!” sa Bicol.
Sa intrevista kan Bombo Radyo Legazpi kay Imelda Gatinao, an Regional Director kan DOLE Bicol, obheto kan naunambitang programa na mairani pa sa mga minimum wage earner na Bikolano an baratong bagas na pinagpapabakal kan gobyerno.
Nagkapirang ahensya na man an nabisita kan Department of Labor and Employment Bicol para i-opresir an baratong bagas mantang labi na man sa renibong minimum wage earner an nakabakal kan baratong bagas.
Kung babalikan target kan ahensya na mabenipisyaran kan bente pesos na bagas an maabot sa 17,463 na minimum wage earners sa Bicol o katumbas nin labi sa 3,000 na sack kada bulan.
Sa presente maabot na man sa labi 2,000 an naging benepisyaryo kan naunambitang programa sa nagpapadagos na rollout kaini sa Bicol region.
