LEGAZPI CITY—Padagos an pagkundusir nin imbestigasyon kan mga otoridad sa nangyaring engkwentro na ikinagadan kan sarong pigtutubudang miyembro kan Communist Terrorist Group (CTG) sa Barangay Juan Andre, Donsol, Sorsogon na kun sain saro suboot na sibilyan an nadamay.
Segun ki Sorsogon Police Provincial Office Public Information Officer Police Major Arwin Destacamento, sa intrevista kan Bombo Radyo Legazpi, may naresibe nin report an kapulisan kan nasabing banwaan na may engkwentro kan armadong grupo sa lugar na tulos man na inaksyunan kan saingang personahes.
Saro ining operasyon kan 31st Infantry Battalion kun sain nakasugapa ninda an armadong grupo kun sain may nadamay na sibilyan na sa presente mahigot na nindang pig-imbestigaran.
Segun sa mga naka-ulay nindang mga saksi an dae man suboot naaydentipikar kun saen gikan an nasabing sibilyan na nahiling na wara nang buhay sa salog kan masagibo na nin imbestigasyon an mga otoridad.
Nagpagiromdom man si Destacamento sa publiko na likayan muna an pagpakalat nin salang impormasyon asin sainda man na pig-asigurar an publiko asin pamilya na magigin patas an imbestigasyon mapadapit sa nasabing insidente.
