Pigpapasakamot na kan Department of Justice sa kongreso an isyu kan impeachment kontra ki Vice President Sara Duterte.
Segun ki Justice Undersecretary Jesse Andres na dae na sinda makikiaram huli ta bako na ninda ini hurisdiksyon.
Ini an kasunod kan patanid kan bise presidente ki Presidente Ferdinand Marcos Jr., First Lady Liza Marcos, asin House Speaker Martin Romualdez.
Mandato man kan saindang ahensya na dae makiaram sa anuman na isyu sa impeachment proceedings.
Sa presente sinabi kan ahensya na tatawan na sana ninda nin atensyon an imbestigasyon sa mga kriminal na aspeto na posibleng isunad ki Vice President Sara.
