Inako kan Department of Justice na haloy na nindang aram asin pig-iimbestigaran an mga alegasyon na nagtatangro nin dakulang kantidad nin kwarta si dismissed Bamban Mayor Alice Guo ngani na matabangan siya na malinig an saiyang pangaran.
Ini an naginkasimbagan ni Justice Secretary Jesus Crispin Remulla kasunod kan pahayag ni dating Senator Panfilo Lacson na nagtatangro suboot si Guo nin P1 billion ngani na mawara an mga isyu na pigkaka imbweltuhan kaini.
Marurumduman na sinabi ni Lacson na nakuwa niya an impormasyon hali sa saiyang amigo na Filipino-Chinese.
Aminado si Remullla na sophisticated an mga pigigibong lakdang ni Guo asin bako ini basta ordinaryong kriminal.
Duda pa kan opisyal na posibleng bilyones na kantidad an kwartang imbwelto ngani na maprotehiran si Guo.
Sa presente dae pa suboot maaraman kun sain hali an nasabing mga kwarta.
