Sienerto kan Department of Health (DOH) na may bastanteng suplay nin libreng bulong nganing mabulong an Human immunodeficiency virus (HIV) asin testing kits.
Ini an pag-aasigurar ni Health Secretary Ted Herbosa makalihis irekomenda kan ahensya an pagdedeklarar sa HIV bilang national health emergency makalihis mangenot an Pilipinas na may pinahalangkaw na bagong kaso kan HIV sa Western Pacific Region.
Segun sa kalihim, sa saiyang pagbisita sa San Lazaro hospital na sarong major-government run treatment hub para sa “people living with HIV” (PLHIV), kumpleto an saindang suplay para sa antiretroviral drugs.
Sinabi kaini na pigtatawan na nin tulong bulan na suplay an sarong pasyente kun nagpapasiring sa ospital asin liwat na sinusuplayan nin ARV treatment kada tulong bulan.
Tinawan-duon man kan DOH chief na libre an bulong na pigbabayadan kan Philippine Health Insurance Corporation (PhilHealth).
An mga HIV self test kits man an pwedesir mabakal sa mga botika sa nacion. Alagad nilinaw ni Health Secretary Ted Herbosa na an mga nag-take nin HIV test an kaipuhan man girararay nin confirmatory test sa treatment hubs.
 has ensured that there is sufficient supply of free medicines to treat the Human immunodeficiency virus (HIV) and testing kits.){kind=link}