LEGAZPI CITY – Hirit ngonian kan Department of Health (DOH) sa mga local chief executives asin iba pang katabang na ahensya kan gobierno an pag-crear nin long-term solution sa pagkontrol kan kaso kan dengue sa nasyon.
Sinabi ni DOH Bicol Director Dr. Ernie Vera sa intrevista kan Bombo Radyo Legazpi, kinakaipuhan suboot na ma-institutionalize an kampanya kontra sa helang na nakukua sa kagat kan lamok.
Suway sa nanudan segun ki Vera, dae dapat na magin seasonal sana an synchronized na paglimpia mantang bilog na taon man na magdesider sa anti-dengue campaign.
Dugang pa kan opisyal na mandato man ini kan ibang ahensya siring kan Department of Environment and Natural Resources (DENR), Interior and Local Government (DILG), Social Welfare and Development (DSWD) asin Education (DepEd) na nakatutok sa palibot, polisiya asin ikakarahay kan mga kahimanwa.
Inomaw man ni Vera an Sorsogon sa Bicol makalihis na magbaba nin executive order si Governor Chiz Escudero sa synchronized cleaning sa bilog na taon na kompleto sa funding asin personahes.
Sa presente, nagbabadol na sa labi 3, 100 an kaso kan dengue sa Bicol mantang nasa 36 naman an nagadan huli digdi.
