Nagpatanid an Department of Health (DOH) laban sa manlaen-laeng helang na kalimitang naghahalangkaw kada tag-uran.
Susog sa ahensya, an leptospirosis an pinakadakol na nairehistrong kaso kan serye nin bagyo asin makukusog na pag-uran kan 2024.
Pagiromdom ni DOH spokesperson Asec. Albert Domingo, importanteng maghugas tulos nin lawas gamit an malinig na tubig asin sabon pag malusong sa baha, asin tulos na magpakonsulta sa doktor kun kinakaipuhan.
Afuera sa leptospirosis, kalimitan man na naghahalangkaw an kaso kan abo asin sipon, trangkaso asin dengue kada mauran.
Inengganyar kan DOH an publiko na pakusugon an resistensya, imantenir an malinig na lawas, asin mag-ibitar sa maaating lugar.
Mientrastanto, susog sa PAGASA, posibleng maglaog an 11 sagkod 12 bagyo sa natatadang bulan kan 2025, alagad piglalaomang mas maluya an mga ini kumpara sa mga nakaaging taon.
 has warned against various diseases that usually increase during the rainy season. According to the DOH, leptospirosis was the most recorded case during the series of typhoons and heavy rains in 2024.){kind=link}