LEGAZPI CITY-Ipigbubusol sa ngonian ni Department of Health (DOH) Secretary Ted Herbosa an total ban o tuluyang pagbabawal kan paggamit kan vape sa Pilipinas.
Huli ini sa tahaw kan matinding pagkondena kan ahensiya sa padagos na mapanlinlang na marketing strategy kan mga vape product.
Segun sa ahensiya, pirmihan suboot an pagsasabing warang laog na nicotine asin pwedisir magin alternatibo sa sigarilyo an vape.
Alagd, sinabi kan kagawaran na pano an vape nin kemikal asin peligroso ini magin an mismong aparato.
Afuera digdi, nabubudol an mga jovenes na maggamit nin vape huli sa makukulay na pakete asin manlain-lain na flavors kaini.
Sinambit man kan DOH an 2019 Global Youth Tobacco Survey na nagpahiling na saro sa pitong Pilipino jovenes na edad 13 hasta 15 anyos an naggagamit nin vape.
Kan nakaaging taon pa sana, nakarekord an nasyon kan enot na kaso nin kagadanan pagkatapos nin duwang taon na paggamit kan nasabing produkto.
Katakod kaini, nagpagirumdom an DOH na nakakagadan an paggamit kan vape asin sigarilyo siring man an nagdudulot ini nin helang arog kan cardiovascular disease, cancer asin lung disease.
Bilang tugon, pigsasagibo man an lakdang kan DOH Health Promotion Bureau sa mga eskwelahan asin lugar nin trabaho mientras na pigpapakusog an serbisyo para mapundo an pagsigarilyo asin magtao nin magkakanigong edukasyon.
