Inanunsyar kan Department of Trade and Industry (DTI) na warang mangyayaring paghalangkaw sa presyo kan mga pangenot na barakalon sagkod sa katapusan kan Abril.
Ini makalihis na mag-uyon an mga manufacturer na palawigon an saindang voluntary price gikan sa naenot na deadline na Abril 16 pasiring sa Abril 30.
Segun ki Trade Secretary Cristina Roque, an desisyong ini an nabilog makaliis an pakikipag-olay sa mga manufacturer kan Lunes.
Dugang pa kan kalihim, posibleng nakatabang man an bastante na imbentaryo kan mga produkto sa mga supermarket kaya dae pa tulos mamamatean an epekto kan taas-presyo sa logistika.
An nasabing price hold an nagsasaklaw sa 205 produkto na nasa listahan kan DTI stockkeeping unit.
Kabale sa mga basic necessities asin prime commodities na ini an mga de-lata, tinapay, bottled water, kandila asin sabon panlaba.
