LEGAZPI CITY—Posibleng mas malala pa an mga nagkakalat na disinformation orog na ngonian na nagdadangadang an eleksyon.
Segun ki Kontra Daya Convenor Prof. Danilo Arao, sa intrevista kan Bombo Radyo Legazpi, na maririsa na puon kan naarestar kan International Criminal Court si dating Presidente Rodrigo Duterte sa kaso kaining crimes against humanity, nagsiruluwasan an troll farms siring man an pagpapakalat nin mga salang impormasyon gamit an Artificial Intelligence (AI) asin makabagong teknolohiya na pwedesir gamiton sa pagdedesisyon kun siisay an bobotohon sa eleksyon.
Dugang kaini na an disinformation sarong dakulang pressure sa mga news media organizations na magin maingat sa pagpili kan pagbabasehan nin impormasyon asin pagproseso kan pagbareta huli ta dapat warang espasyo an kautikan orog na sa paparaning pirilian sa Mayo 2025.
Tinawan-duon man ni Arao na dapat mas pagtutukan pa an orolay sa media and information literacy ngani na makapagsiyasat nin mas hararom pa asin maeengganyar an publiko na basahon an iba pang references na ginamit sa sarong surat o content para mabisto an tama sa salang impormasyon.
