Pormal nang natanggap kan Department of Foreign Affairs (DFA) ang kahagadan kan Estados Unidos na ipa-extradite sa saindang nacion ang religious leader na si Pastor Apollo Quiboloy.
Segun sa tagapagtaram kan DFA na si Analyn Ratonel, ipinasa na kan ahensya an extradition request sa Department of Justice (DOJ) para sa kaukulang proseso.
Nahahampang si Quiboloy sa Estados Unidos sa mga kasong sex trafficking at racketeering.
Kan 2021, inakusaran siya kan mga prosecutor sa US na suboot nanghikayat asin nagsamantala ng mga kababaihan asin menor de edad na nagsirbi bilang saiyang mga personal assistants.
Kabale suboot sa mga biktima ang mga edad 12 hasta 1-anyos.
Magigiromdomang iniba man si Quiboloy sa listahan ng Most Wanted kan Federal Bureau of Investigation (FBI).
Sa Pilipinas presenteng nakakulong si Quiboloy sa Pasig City Jail makalihis maarestar kan 2024.
Nahahampang man siya sa mga patong-patong na kaso siring kan Special Protection of Children Against Abuse, Exploitation and Discrimination Act asin qualified human trafficking.
Enot nang pinahimutikan ni Quiboloy ang mga paratang asin nagsunad nin plea na not guilty sa mga kasong isinunad laban saiya.
Sinabi man kan DOJ na wara pa ining nareresibe na pormal na abiso hale sa Estados Unidos.
Alagad segun sa umiiral na kasunduan sa extradition kan Pilipinas asin US, ang DFA ang enot na nakakaresibe nin siring na kahagadan bago ini ipasa sa DOJ para sa nararapat na legal process.
