LEGAZPI CITY-Kinumpirma kan Department of Education (DepEd) Cavite Office an pagkagadan kan sarong Grade-4 pupil makalihis an deworming activity sa Martires City.
Segun sa opisyal na pahayag kan DepEd, Hugo Perez Elementary School-Annex sa Cavite na nagkondusir nin routine deworming activity sa koordinasyon kan City Health Office kan Hulyo 2.
Nagkapirang estudyante man an nakaeksperyansya nin bako marhay na pagmati makalihis ini, asin sarong Grade 4 learner an nagadan.
Basado sa mga report, an nasabing biktima nakaeksperyensya suboot nin matinding pagkulog sa payo, tulak asin idinara sa ospital alagad binawian ini nin buhay kan Hulyo 3.
Sa inisyal na imbestigasyon, napag-araman na nagadan ini huli sa septic shock hale sa impeksyon.
Padagos man an pigsasagibong imbestigasyon kan DepEd kasunod kan insidente.
