LEGAZPI CITY-Gadan an Defense Minister kan Mali na si Sadio Camara makalihis an suboot suicide truck bombing sa saiyang harong harani sa kabisera na Bamako, kasabay kan mahewasang coordinated attacks sa manlain-lain na nacion.
Susog sa report, sarong behikulo an napano nin pampasabog an sumalpok sa residence kan opisyal sa Kati, na pigsasabing isinagibo kan mga militanteng grupo na konektado sa al-Qaeda.
Nagadan man an nagkapirang miyembro kan saindang pamilya asin iba pang sibilyan makalihis gumuho an parte kan edipisyo kaini asin naapektaran an karatig na mosque.
Kinumpirma kalaunan kan state media na si Camara, na nagadan ini huli sa sinapar na lugad makalihis na makipagbakbakan pa suboot sa mga nag-atake saiya bago ini dinara sa ospital asin tuluyang nagadan.
Afuera ki Camara, pig-ebakwar man an lider kan Junta na si Gen. Assimi Goïta makalihis na punteriyahon an saiyang residensya.
An magkasabay na mga opensiba, konektado sa mga grupong jihadist na may koneksyon sa al-Qaeda asin Islamic State, siring man an separatist group na Azawad Liberation Front na nag-ooperar sa norteng parte kan nacion.
Kasabay kaini, napagaraman man na an pag-atras kan mga Russian mercenaries na kaiba an militar kan Mali gikan sa nagkapisang lugar sa sa Kidal pagkatapos nin nagkapirang aldaw na bakbakan, mantang wara pang opisyal na kumpirmasyon hale sa Russia.
