Nagsakat na sa 32 an numero kan mga nagadan sa raot nin panahon na dara kan Bagyong Carina asin Habagat.
Base sa datos kan Philippine National Police, nagadan an mga biktima huli sa baha, landslide, pagkakuryente asin an iba an nabagsakan nin puon nin kahoy.
Pinakadakol na binawian nin buhay an hali sa Calabarzon kung sain 12 an mga nagadan, lima kaini an sa Batangas, apat sa Rizal, asin tolo sa Cavite.
Sa kabilugan nasa 1.3 milyon na katawo o 299,000 na mga pamilyang Pilipino an naapektaran kan kalamidad.
Nasa 211,000 kaini o 53,000 na pamilya an nagtitinir pa sa ngunyan sa mga evacuation centers.
Nasa 317 na mga kaharongan an nawasak asin P9.7 milyon an danyos sa sektor nin agrikultura mantang P6.5 milyon sa imprastraktura.
