LEGAZPI CITY-Nagabot na sa 19 katawo an binawian nin buhay sa provincia kan Masbate basado sa datos kan Office of the Civil Defense.
Segun kay Office of the Civil Defense Spokesperson Gremil Naz, sa intrevista kan Bombo Radyo Legazpi na sarong indibidwal an hale sa Masbate, Monreal, Batuan, Balud, Cawayan, Mandaon, Mobo, asin duwang indibidwal man an hale sa Cataingan, Placer, Uson, Aroroy, Baleno, asin igwa pang duwang indibidwal na taga-Placer.
Dugang pa kan opisyal na nasa 15 an irido sa provincia kan Masbate asin 8 an hale man sa Sorsogon.
Nasa pigkakarkulong 6, 137 na mga pamilya o nasa 25, 606 na mga indibiwal an nagtetenir sa laog kan evacuation centers.
Basado man sa datos kan ahensya na nasa 56, 129 an kabilugang danyos sa mga kaharongan sa provincia kan Masbate kun sain nasa 11, 686 an totally damage asin 44, 443 an partially damage.
Katuwang man suboot an Philippine Navy sa pagdara nin mga food asin non-food items sa provincia asin naghahagad naman sinda nin tabang sa iba pang shipping companies ngani madagdagan an mga barkong pasiring asin paluwas sa Masbate.
Basado man sa inisyal na datos kan ahensya na nasa kabilugang 27 Milyon an danyos sa agrikultura sa bicol region kun sain 25 milyon digdi an hale sa provincia kan Masbate.
Igwa naman suboot na suplay nin kuryente sa Burias Island asin nagkapirang lugar pa Ticao Island an nagtetenir na warang suplay nin kuryente
