Kinontra ni incoming Mamamayang Liberal o ML Party-list Rep. Leila de Lima an pahayag ni Vice President Sara Duterte na “persecution asin crucifixion” o pang-aapi asin pagpako sa krus an pigkakahampang niyang impeachment case.
Marurumduman na si De Lima an masierbing miyembro kan House Prosecution Team sa 20th Congress.
Sinabi kan opisyal na igwang basehan an gabos na Articles of Impeachment kontra sa bise presidente.
Pigduon ni De Lima na bako imbento an gabos na mga kaso kontra ki Vice President Duterte.
Dugang pa kaini na importante sa ngunyan na simbagon kan bise presidente an mga alegasyon kontra saiya asin ipaliwanag an mga ebidensya na nagluwas sa pagdangog kan House Committee on Good Government and Public Accountability.
