Sarong dating paratukdo an binadil gadan mantang nagpapagasolina sa Bayambang, Pangasinan.
Binisto kan mga pulis an biktima na si Alfredo dela Cruz, 60 anyos, residente kan Barangay Bical Norte.
Nagluluwas sa imbestigasyon kan pulisya na nagpapa-gasolina an biktima kan ranihan ini kan suspetsado asin binadil sa payo.
Nagdulag an suspetsado alagad nabisto sa paagi kan closed circuit television (CCTV) camera, asin naaktuhan sa ginibong follow-up operation sa banwaan kan Sual.
Segun ki Bayambang Police Chief Lt. Col Rommel Bagsic, dati nang may iwal an duwa manungod sa right of way kun saen sinda nakaistar.
Enot nang nagpa-blotter sa barangay kan Bical Norte an biktima makalihis na harangan kan suspechado an saindang agihan pasiring sa saindang harong.
Segun sa sumbong kan biktima, wara nin deretsos an suspechado na harangan an saindang agihan huli ta right of way ini.
Napag-araman man kan mga pulis na igwang ibang kasong inaatubang an suspetsado asin nakapiyansa sana ini.
Sinangatan nin kaso na murder an suspek
