LEGAZPI CITY- Kasabay kan ika-49 anibersaryo kan deklarasyon nin Martial law ni dating Presidente Ferdinand Marcos, kadakol na mga Pilipino an naggirumdom sa mga kadipisilan na pinag-agihan sa saro sa pigkokonsiderang pinakamadiklom na parte kan historya kan Pilipinas.
Kaiba na sa mga nagheras kan saiyang mga eksperyensya durante kan Martial law si dating Gabriela Reprsentative Emmi De Jesus na sarong student activist kan panahon ni Marcos.
Sa intrevista kan Bombo Radyo Legazpi kay Emmi, maski na sarong estudyante, aru-aldaw na namamatian an tensyon sa irarom kan ley martial kung sain kadakol na mga suldado an nagpapatrolyo na nagchi-check kan saindang mga bag asin mahigot na nagsasaway kan mga magbabalong magprotesta.
Pinaka dae suboot malilinawanna eksperyensya kan dating kongresista kan minsan na maarestar asin makarsel sa Kampo Crame huli sa pagsabay sa pagsabay sa hiro protesta kan Kilusang Mayo Uno.
Segun kay Emmi, haros aru-aldaw na pigpapadangog saiya an mga kurahaw asin hibi kan mga political prisoners na pigto-torture kan mga suldado na nagkawsa suboot saiya nin labing emotional trauma.
Pangapudan kan dating kongresista sa mga Pilipino na dae paglingawan an kadakol na mga nagsakripisyo nin buhay asin an mga nagtindog asin naglaban sa diktadorya nganing makua an libertad na naeeksperyensyahan ngunyan.
