LEGAZPI CITY-Pigsierto kan Dating House Speaker asin abogado ni Leyte Rep. Ferdinand Martin Romualdez na si Atty. Ade Fajardo, na preparado an saiyang kliyente na atubangon an anuman na reklamo na posibleng isasangat kan Office of the Ombudsman katakod kan suboot flood control scam.
Segun ki Fajardo, wara pang ebidensiya kontra ki Romualdez asin wara pang preliminaryong imbestigasyon an ginibo huli ta yaon pa sa case build-up an bagay na ini.
Nanindugan man ini na warang partisipasyon an dating Speaker sa pag-pondo asin implementasyon kan mga flood control projects.
Pigkwestyon man ni Fajardo an kredibilidad kan mga testigo huli sa suboot pabago-bago nindang mga salaysay.
Sinabi niya na dae man nakuang liable si Romualdez basado sa imbestigasyon kan Independent Commission for Infrastructure (ICI).
Pig-duon kan abogado na nagtitinir sa nacion si Romualdez, padagos an pag-otob kan saiyang trabaho bilang representantive kan Leyte 1st District, asin preparadong mag-responde sa anuman na reklamo sa paagi kan due process kan Ombudsman.
