Nailipat na sa Quezon City Jail Male Dormitory sa Payatas si dating House Speaker Martin Romualdez.
Nag-abot an convoy na nagdara ki Romualdez hale sa University of the Philippines (UP)-Philippine General Hospital (PGH) pasado alas 10:54 nin banggi kan Lunes, Setyembre 14.
Nag-agi sa standard commitment asin booking procedure sa Quezon City Jail si Romualdez na kinabibilangan kan pagkumpiska sa mga bako otorisadong gamit pagkua nin mug-shot, pagsusuri sa medical history asin an dagos na pagbubugtak sa itinakdang selda.
Ang nasabing paglilipat kay Romualdez sa QC Jail an basado sa nagin orden kan Sandiganbayan na dapat ilipat na sa QC Jail ang lehislador makalihis na mahling na “clinically stable” asin dae na dapat ipagpadagos an pagtitinir sa ospital.
Naarestar si Romualdez kan Setyembre 7 makalihis na magluwas an Sandiganbayan ng warrant of arrest huli sa P7.4 bilyon plunder na isinunad kan Office of the Ombudsman.
Enot na na-confine ini sa Cardinal Santos Medical Center bago nailipat sa UP-PGH kan Sabado, Setyembre 12 para sa independent examination.
