Nakapagbayad na man nin piyansa si dating Department of Health Secretary Francisco Duque III sa graft charges na pigkakahampang niya.
Segun sa dating sekretaryo na tulos siyang nakapag piyansa makalihis maaraman an ipigsunad na kaso kan Office of the Ombudsman sa Sandiganbayan.
Ini an katakod kan suboot ilegal na paglipat kan Department of Health sa Procurement Service kan Department of Budget and Management kan multi-billion na kwarta para sa pagbakal kan COVID-19 medical supplies sa kasagsagan kan pandemya.
Segun ki Duque na mahanap siya nin legal na mga paagi ngani na kwestyunon an resolusyon kan Ombudsman bako sana sa Sandiganbayan kundi maging sa Korte Suprema.
Marurumduman na enot na man na nag-piyansa an saro pang akusado na si dating Department of Budget and Management USec. Lloyd Christopher Lao na inakusaran man nin graft charges.
