LEGAZPI CITY—Temporamenteng sinunspinder kan lokal na gobierno kan Daraga an operasyon kan Daraga Night Market kada aldaw nin Domingo sa paagi kan ipinaluwas na Executive Order No. 4, Series of 2026.
Segun ki Daraga Public Market Market Administrator Themis Lobete, sa intrevista kan Bombo Radyo Legazpi, nagpuon an suspensyon kan Domingo, Enero 11, na may obhetong nin sarong aldaw na pahingalo an mga night market vendors asin matawan nin kliyente an mga regular market sa banwaan kan Daraga.
Apektado kaini an nasa labi 200 na paratienda nin mga produktong agrikultural.
Sa presente, padagos ma na pig-aadalan man kan saindang opisina sa kun ano an magayon na lakdang nganing maibitaran na an mga siring na pagsuspensyon.
