LEGAZPI CITY – Hinigotan pa kan Philippine Institute of Volcanology and Seismology (PHIVOLCS) an pagtataong-pagirumdom sa mga residente asin turista na mabalong maglaog sa 6-km Permanent Danger Zone asin Extended Danger Zone sa sur-sirangang parte kan Bulkang Mayon.
Ini makalihis na mairehistro an sarong phreatic eruption bandang alas-9:06 kasuodmang aga asin magkakasunod na limang kaparehong volcanic event puon alas-9:39 hasta maga-alas-11:00 kasubanggi na hasta 700 metro an pinakahalangkaw na inabot kan aso asin abo.
Sa ekslusibong intrevista kan Bombo Radyo Legazpi ki PHIVOLCS Director Renato Solidum, nagkapira an nagpa-abot na nadangog man an dagundong hale sa bulkan na nagsesenyal sana suboot nin padagos na abnormalidad.
Pighihiling na hibabaw man an pinagpunan kan mga eruption na hale sa lumang deposito kan bulkan susog na man sa nahiling na earthquake signals.
Mientras tanto, pighihiling naman kan PHIVOLCS kun magpapadagos pa sa presenteng estado an bulkan o posibleng nagkakaigwa nin suboot “clearing” tangarig na matawanang-dalan an mas makusog na pwersa na mailuwas.
Sa presente, wara pa man suboot na report na igwa nang mga barangay na inabot kan bagsak kan abo.
