Dae dapat ikumpara an orolay kan confidential funds kan Office of the Vice President sa Confidential asin Intelligence Funds kan Office of the President.
Ini an tinawan doon ni Palace Press Officer Claire Castro.
Sinabi ni CAstro warang basehan an arug kaining pagpapareho huli ta dae man naggasto nin dakulang kantidad sa laog kan sadit na panahon an Presidente, taliwas sa napabareta na paggamit nin 125M kan OVP sa laog sana nin 11 aldaw.
Afuera digdi, regular man daa na nagsusumite nin tamang report an Office of the President asin nagsusunod sa mga pigpapa-otob na ley.
Ipinunto pa ni Castro na wara mang natanggap na Notice of Disallowance an OP katakod kan paggamit nin confidential funds, kabaligtaran sa mga isyung pigkakahampang ngonian kan OVP.
Dugang pa kan Palasyo, dae man nuarin naghagad an Office of the President nin anumang sertipikasyon hale sa ibang institusyon nganing tawan katwiran an paggamit nin confidential fund.
Saro pa suboot na malinaw na pagkakaiba sa sa pigsasabing ginibo kan kampo ni Vice President Sara Duterte, na suboot naggibo nin dokumento hale sa AFP bilang suporta sa P15 milyong ginastos sa sarong youth summit na kalaunan an pinahimutikan kan AFP asin kinumpirmar kan DepEd sa congressional hearing.
Ang pahayag na ini kan Palasyo an kasimbagan sa hapot kun posible mang maungkat an CIF kan Office of the President enkaso mahampang sa impeachment complaint an Presidente.
