Kinumpirmar kan Czech Republic na na-detain sa saindang nacion an dating kongresista na si Zaldy Co huli sa suboot paggamit nin invalid travel documents.
Segun ki Palace Press Officer Claire Castro, ini sana an impormasyong ibinarewas ni Czech Republic Chargé d’Affaires Eva Tenzin ki Presidente Bongbong Marcos sa saindang nagin pag-oolay.
Siring man, sinabi ni Castro na naghagad pa nin kadugangang detalye an Presidente mapadapit sa kaso ni Co alagad dae ini natawan nin dugang na impormasyon.
Segun ki Castro, nakatali an Czech Republic sa saindang pigsusunod na international, European asin national laws kaya limitado an saindang pwedesir ipigheras na detalye.
Dugang pa niya, magin si Justice Secretary Fredderick Vida na nagpasiring sa Czech Republic an dae man natawan nin kadugangang impormasyon.
